سپریم کورٹ ریویو آف ججمنٹس اینڈ آرڈر ایکٹ 2023 کالعدم قرار

چیف جسٹس کی سربراہی میں سپریم کورٹ کے تین رکنی بینچ نے نظرثانی قانون کے خلاف درخواستوں پرمحفوظ فیصلہ سنا دیا گیا۔عدالت نے سپریم کورٹ ریویوآف ججمنٹس اینڈ آرڈرایکٹ 2023 کالعدم قراردیدیا۔

چیف جسٹس پاکستان نے فیصلہ پڑھ کر سنایا، اس فیصلے میں کہا گیا کہ پارلیمنٹ ایسی قانون سازی کاا ختیار نہیں رکھتی اوراس قانون کی کوئی قانونی حیثیت نہیں ۔

سپریم کورٹ نے کہا ہے کہ ری ویو آف ججمنٹ ایکٹ غیر آئینی ہے، فیصلے کے بعد پنجاب الیکشن نظرثانی کیس سابقہ بینچ ہی سن سکے گا۔

چیف جسٹس کی سربراہی میں 3 رکنی بینچ نے فیصلہ سنایا، یہ فیصلہ خصوصی بینچ نے 19 جون کو محفوظ کیا تھا۔

پارلیمنٹ نے ریویو آف ججمنٹس اینڈ آرڈرز ایکٹ 2023 منظور کیا تھا، پارلیمنٹ نے ایکٹ کے ذریعے لارجربینچ کے سامنے نظرثانی اپیل کا حق دیا تھا۔