مقبول خبریں
چیئرمین پی ٹی آئی کی دوبارہ گرفتاری پر 9مئی جیسے واقعات رونما کیوں نہیں ہوئے:شرجیل میمن
وزیراطلاعات سندھ نے کہا ہے کہ ثابت ہوگیا کہ 9 مئی کے واقعات سوچی سمجھی سازش تھی، چیئرمین پی ٹی آئی کی دوبارہ گرفتاری پر 9مئی جیسے واقعات رونما کیوں نہیں ہوئے۔
شرجیل میمن نے کہا کہ قوم نے چیئرمین پی ٹی آئی کو سزا ملنے اور نااہل ہونے پر بھی ہمدردی کا اظہار کیوں نہیں کیا؟ یادگاروں کی بے حرمتی، جناح ہاؤس حملہ، جلاؤگھیراؤ ملک میں بغاوت کی عکاسی کرتے ہیں،شہداکے یادگاروں کی بے حرمتی قوم کیلئے افسوسناک عمل تھا۔
انھوں نے مزید کہا کہ اقتدار سے نکالے جانے کے بعد چیئرمین پی ٹی آئی آئین و قانون کی دھجیاں اڑاتے رہے، انھوں نے نے سوشل میڈیا پر قومی اداروں کو نقصان پہنچانے کیلئے مہمات چلوائیں۔