میں پی ٹی آئی نہیں چھوڑ رہا، تمام لوگ اپنی جگہ مضبوط رہیں: پرویز الہٰی

گوجرانوالہ: چودھری پرویز الہٰی کا کہنا ہے کہ میں پی ٹی آئی نہیں چھوڑ رہا، پی ٹی آئی کے تمام لوگ اپنی جگہ مضبوط رہیں۔

صدر تحریک انصاف چودھری پرویزالہٰی اینٹی کرپشن کورٹ میں پیش ہوئے، اس دوران عدالت کے اندر اور باہر سیکیورٹی کے سخت انتظامات کیے گئے تھے۔

عدالت کے احاطے میں میڈیا سے گفتگو کرتے ہوئے چودھری پرویز الہٰی کا کہنا تھا کہ میں پی ٹی آئی نہیں چھوڑ رہا، رات سے مجھے حوالات میں رکھا گیا۔

یہ بھی پڑھیں: پرویز الہٰی کو بری ہوتے ہی دوبارہ گرفتار کرلیا گیا

ان کا کہنا تھا کہ مجھے دوائیاں بھی نہیں دی جارہی ہیں، تھانے کی سب سے خراب جگہ پر مجھے رکھا گیا۔

انہوں نے کہا کہ پی ٹی آئی کے تمام لوگ اپنی جگہ مضبوط رہیں۔