اسلام آباد ہائی کورٹ نے اسد عمر کے خلاف درج مقدمات کی تفصیلات کرلیں

اسلام آباد : عدالت نے حکم دیا ہے کہ اسد عمر کے خلاف کتنے مقدمات درج ہیں، پولیس تفصیلات فراہم کرے۔

اسلام آباد ہائیکورٹ میں اسد عمر کی تھری ایم پی او کے تحت گرفتاری اور مقدمات کی تفصیلات فراہمی کی درخواست پر سماعت ہوئی۔

جسٹس میاں گل حسن اورنگزیب نے کیس کی سماعت کی۔ اسد عمر کی جانب سے بابر اعوان نے دلائل دیئے کہ اسد عمر کے خلاف کتنے مقدمات ہیں ان کی تفصیلات فراہم کی جائے۔ عدالت ہمارے کیسز پیر کو سماعت کے لیے مقرر کردے۔

یہ بھی پڑھیں : اسد عمر کے بعد محمود قریشی بھی گرفتار

جسٹس میاں گل حسن اورنگزیب نے کہا کہ کیا آپ ادھر اپنا ویک اینڈ انجوائے کرنا چاہتے ہیں؟ جس پر کمرے عدالت میں قہقہے لگ گئے۔

عدالت نے فریقین کو نوٹس جاری کرتے ہوئے پیر تک سماعت ملتوی کردی۔