مقبول خبریں
شہباز شریف اور مولانا فضل الرحمان کا آصف زرداری کو فون
اسلام آباد : پی ڈی ایم اور اتحادی جماعتوں کے اجلاس سے قبل وزیراعظم شہباز شریف اور مولانا فضل الرحمان نے سابق صدر آصف علی زرداری کو فون کیا۔
دوران بات چیت دونوں رہنماؤں نے سابق صدر کی خیریت دریافت کی اور جلد مکمل صحت یابی کی دعا کی اور ملک کی موجودہ سیاسی صورتحال پر تفصیلی تبادلہ خیال اور سپریم کورٹ میں زیر سماعت کیس کے آئینی و قانونی پہلوؤں پر غور کیا گیا۔
یہ بھی پڑھیں : وزیراعظم کا ملکی سیاسی اور آئینی امور پر مشاورت کا فیصلہ، اہم اجلاس طلب
رہنماؤں نے پی ڈی ایم میں شامل جماعتوں کی مشاورت سے اہم فیصلوں پر اتفاق کیا۔ سابق صدر نے آئینی و قانونی امور پر سوچ بچار کے ساتھ آگے بڑھنے کا مشورہ دیا۔
وزیر اعظم نے کہا کہ آپ کی تجاویز آج کے اجلاس میں زہر بحث لائیں گے۔ مولانا فضل الرحمان کا کہنا تھا کہ اتحادی حکومت ملک کو کسی آئینی و قانونی بحران کا شکار کی طرف جاتے نہیں دیکھ سکتی۔