مقبول خبریں
سپریم کورٹ پریکٹس اینڈ پروسیجر بل 2023 سینیٹ سے بھی منظور
اسلام آباد : سپریم کورٹ پریکٹس اینڈ پروسیجر بل وزیر قانون اعظم نذیر تارڑ نے پیش کیا، اس دوران اپوزیشن نے شور شرابہ کیا اور نعرے بازی کی۔
قومی اسمبلی کے بعد سینیٹ نے بھی سپریم کورٹ پریکٹس اینڈ پروسیجر بل 2023 منظور کرلیا۔ بل کے حق میں 60 اور مخالفت میں 19 ووٹ آئے۔ چیئرمین سینیٹ نے بل کی شق وار منظوری لی۔
یہ بھی پڑھیں : سپریم کورٹ کے اختیارات کم کرنے کیخلاف مزاحمت جاری رہے گی : عمران خان
بل کی منظوری کے دوران پی ٹی آئی ارکان نے احتجاج اور شور شرابہ کیا۔ بل کی کاپیاں پھاڑ کر پھینک دیں۔
پیپلز پارٹی کے سینیٹر بہرہ مند تنگی اور سینیٹر فیصل جاوید آمنے سامنے آگئے۔ سینیٹر بہرہ مند تنگی نے سینیٹر فیصل جاوید کو لائن کراس پر ہاتھ سے جھٹک دیا۔ سینیٹر زرقا اور سینیٹر عابدہ عظیم کے درمیان بھی ہاتھا پائی ہوئی۔