مقبول خبریں
کراچی کا موسم رات میں ٹھنڈا رہے گا، سردی بڑھنے کا امکان ہے: محکمہ موسمیات
کراچی: محکمہ موسمیات کا کہنا ہے کہ شہر قائد کا موسم دن میں خشک، رات میں سرد رہے گا، آئندہ 24 گھنٹوں میں کم سے کم درجہ حرارت 11 سے 13 سینٹی گریڈ تک جانے کا امکان ہے۔
محکمہ موسمیات کے مطابق کراچی میں کم سے کم درجہ حرارت 13 سینٹی گریڈ ریکارڈ کیا گیا ہے، جبکہ کراچی کا موجودہ درجہ حرارت 17 سینٹی گریڈ ہے، زیادہ سے زیادہ درجہ حرارت 26 سے 28 سینٹی گریڈ تک رہے گا۔
یہ بھی پڑھیں: کراچی میں سردی کی شدت میں مزید اضافے کا امکان
محکمہ موسمیات کا کہنا ہے کہ کراچی میں ہوا میں نمی کا تناسب 41 فیصد ہے، شمال مشرقی سمت سے ہوا کی رفتار 5 ناٹیکل مائل ہے۔
محکمہ موسمیات نے بتایا کہ کراچی میں آلودگی برقرار ہے جس کے باعث حد نگاہ 3 کلومیٹر رہ گئی ہے، کراچی پاکستان کے آلودہ شہروں میں دوسرے نمبر پر ہے۔