آصفہ بھٹو نے بلاول بھٹو کو وزیر خارجہ بننے پر کیسے مبارک باد دی ؟

سابق صدر آصف زرداری اور شہید محترمہ بے نظیر بھٹو کی چھوٹی صاحبزادی آصفہ بھٹو نے اپنے بھائی اور چیئرمین پی پی بلاول بھٹو کو وزیر خارجہ بننے پر مبارکباد دی ہے۔

آصفہ بھٹو نے اپنے تصدیق شدہ ٹوئٹر اکاؤنٹ پر بلاول بھٹو زرداری کی حلف برداری کی تقریب کی تصویر شیئر کی جس میں وہ وفاقی وزیر کا حلف اُٹھا رہے ہیں۔

Congratulations to the youngest Foreign Minister in Pakistans history @BBhuttoZardari . The task is daunting, and the previous government have hurt our international standing but I have no doubt that you will make our country, party, and family proud. 🇵🇰 pic.twitter.com/LUEsMJBzx5

— Aseefa B Zardari (@AseefaBZ) April 27, 2022

اُنہوں نے اپنے ٹوئٹ میں بلاول بھٹو سے مخاطب ہوتے ہوئے لکھا کہ پاکستان کی تاریخ میں سب سے کم عمر وزیر خارجہ کو مبارک ہو۔

اپنے ٹوئٹ میں آصفہ بھٹو کا کہنا تھا کہ یہ کام مشکل ہے اور پچھلی حکومت نے ہماری بین الاقوامی حیثیت کو ٹھیس پہنچائی ہے لیکن مجھے اس میں کوئی شک نہیں کہ آپ ہمارے ملک، پارٹی اور خاندان کا سر فخر سے بلند کریں گے۔

واضح رہے کہ پاکستان پیپلزپارٹی کے چیئرمین بلاول بھٹو زرداری نے وزیر خارجہ کے عہدے کا آج حلف اٹھالیا،ایوانِ صدر اسلام آباد میں چیئرمین بلاول بھٹو زرداری سے صدر مملکت ڈاکٹر عارف علوی نے حلف لیا۔