روس نے ایٹمی پلانٹ چرنوبل کا قبضہ یوکرین کے حوالے کردیا

کیف : یوکرینی صدر کا کہنا ہے کہ روس ڈونباس میں بڑے فضائی حملے کی تیاریاں کر رہا ہے، روس نے ایٹمی پلانٹ چرنوبل کا قبضہ یوکرین کے حوالے کردیا۔

انٹرنیشنل اٹامک انرجی ایجنسی (IAEA) کا کہنا ہے کہ یوکرین نے اب انہیں بتا دیا ہے کہ روسی فوجی اب ایٹمی پلانٹ چرنوبل سے باہر نکل چکے ہیں۔

یوکرین کا کہنا ہے کہ روسی افواج نے پلانٹ سے نکلتے ہی یوکرین کے فوجی جنہیں انہوں نے 24 فروری سے یرغمال بنا رکھا تھا، اپنے ساتھ لے گئے ہیں۔ یہ واضح نہیں تھا کہ کتنے یوکرائنی فوجیوں کو لے جایا گیا ہے۔

یوکرین کے صدر ولادیمیر زیلنسکی نے کہا ہے کہ ملک کے جنوب اور ڈونباس کے علاقے میں صورتحال انتہائی مشکل ہے۔ روس محصور شہر ماریوپول کے قریب فوجیں جمع کر رہا ہے۔

انہوں نے کہا کہ آگے مزید لڑائیاں ہوں گی۔ ہمیں اپنی مطلوبہ ہر چیز حاصل کرنے کے لیے اب بھی ایک انتہائی مشکل راستے پر جانے کی ضرورت ہے۔

یہ بھی پڑھیں : روس وسطی ایشیاء میں داعش کے منصوبوں پر فکرمند

نیٹو کا کہنا ہے کہ روسی افواج مشرقی یوکرین میں اپنے حملوں کو دوگنا کرنے کے لیے دوبارہ منظم ہونے کی کوشش کر رہی ہیں۔

روس نے غیر دوست ممالک کو خبردار کیا کہ وہ روبل میں گیس کی ادائیگی شروع کر دیں ورنہ سپلائی میں کمی کر دی جائے گی۔

فرانس کی ملٹری انٹیلی جنس کے سربراہ کو یوکرین میں روس کی جنگ کی پیش گوئی کرنے میں ناکامی پر برطرف کر دیا گیا ہے۔

امریکی صدر جو بائیڈن نے روس پر پابندیوں کے باعث ایندھن کی بلند قیمتوں کو کم کرنے کی کوشش میں امریکہ کے ذخائر سے  چھ ماہ کے دوران 180 ملین بیرل تک تیل کے بڑے اخراج کا حکم دیا۔