شمالی کوریا کا امریکہ کی نگرانی جاسوسی سیٹلائٹ کے ذریعے کرنے کا فیصلہ

پیانگ یانگ : شمالی کوریا، امریکہ اور اس کے اتحادیوں کی کارروائیوں کی نگرانی کے لیے جاسوسی سیٹلائٹ لانچ کریں گے۔

شمالی کوریا کے رہنما کِم جونگ اُن نے کہا کہ امریکہ اور اس کے اتحادیوں کی فوجی کارروائیوں کے بارے میں حقیقی وقت میں معلومات فراہم کرنے کے لیے آنے والے برسوں میں متعدد جاسوسی سیٹلائٹ لانچ کیئے جائیں گے۔

یہ بھی پڑھیں : شمالی کوریا نے بند جوہری تجربہ گاہ کی مرمت شروع کردی، امریکہ کے تحفظات

شمالی کوریا کی نیشنل ایرو اسپیس ڈیولپمنٹ ایڈمنسٹریشن کا معائنہ کرتے ہوئے کِم نے کہا کہ بہت سے فوجی جاسوسی مصنوعی سیارہ سورج کے ہم آہنگ قطبی مدار میں ڈالے جائیں گے۔

سرکاری خبر رساں ایجنسی کے سی این اے نے رپورٹ کیا کہ کِم نے سیٹلائٹ کے کام کا دفاع نہ صرف معلومات اکٹھا کرنے، بلکہ شمالی کوریا کی خودمختاری اور قومی مفادات کے تحفظ، اپنے دفاع کے جائز حقوق کا استعمال اور قومی وقار کو بلند کرنے کے لئے کیا۔