پاکستان میں وی پی این کے استعمال میں 6000 فیصد اضافہ

انٹرنیٹ سینسرشپ اور معلومات تک رسائی میں حائل رکاوٹ کے باعث پاکستان میں ورچئل پرائیویٹ نیٹ ورک (وی پی این) کی طلب میں 6000 فیصد اضافہ ہوا ہے۔

انٹرنیٹ پرائیویسی کمپنی پروٹون وی پی این ایک ایسا سافٹ ویئر ہے جس کے استعمال سے بندش کی زد میں آنے والی ویب سائٹس کو کھولا جاسکتا ہے۔

گزشتہ ایک ماہ سے پاکستان میں سماجی روابط کی ویب سائٹ ایکس (ٹوئٹر) کی سروس کو بندش کا سامنا ہے جب کہ 21 فروری کو سندھ ہائی کورٹ ملک میں انٹر نیٹ سروس بندش کے خلاف درخواستوں پر ایکس سمیت دیگر ایپس بحال کرنے کا حکم بھی دے چکی ہے۔

یہ بھی پڑھیں: 

سندھ ہائیکورٹ کا پی ٹی اے کو سوشل میڈیا سائٹ ایکس مکمل طور پر بحال کرنے کا حکم

پاکستان میں ایکس سمیت انٹرنیٹ پلیٹ فارمز پر حکومتی بندش کی مذمت کرتے ہیں، امریکا

پروٹون وی پی این کے سربراہ اینڈی ین نے کہا کہ 2024 دنیا بھر میں جمہوریت کے لیے ایک زلزلے کا سال ثابت ہو گا، انتخابات منعقد کرنے والے بہت سے ممالک میں آزادانہ تقریر اور آزاد انتخابی عمل کے لیے قابل اعتراض اقدامات سامنے آرہے ہیں۔