بھارت میں مال گاڑی اور مسافر ٹرین میں تصادم، 13 افراد جاں بحق

بھارتی ریاست مغربی بنگال میں مال گاڑی اور مسافر ٹرین کے درمیان تصادم کے نتیجے میں 13 افراد ہلاک جب کہ 30 زخمی ہو گئے۔

میڈیا رپورٹس کے مطابق ضلع دارجلنگ میں پیر کی صبح ایک مال گاڑی کنچن جنگا ایکسپریس ٹرین سے جا ٹکرائی جس کے باعث 3 بوگیاں پٹڑی سے اتر گئیں اور چند بوگیاں ایک دوسرے پر جا چڑھیں۔

مسافر ٹرین شہر اگرتلہ سے کولکتہ جا رہی تھی کہ اس دوران حادثہ پیش آگیا، مال گاڑی اور ٹرین کا تصادم مغربی بنگال کے رنگا پانی اور نجباری اسٹیشنز کے درمیان پیش آیا۔

خیال رہے کہ بھارت میں ٹرین حادثے معمول بن چکے ہیں، گزشتہ سال بھی ایک ٹرین حادثے میں 288 افراد ہلاک ہوئے تھے۔