سال 2019 کا پہلا سورج گرہن آج ہو گا

محکمہ موسمیات کے مطابق سال نو کا پہلا سورج گرہن آج ہو گا۔ پاکستان میں نہیں دیکھا جاسکے گا۔

رواں سال کا پہلا سورج گرہن پاکستانی وقت کے مطابق شام 4 بج کر 34 منٹ پر شروع ہوگا۔ شام 6 بج کر 41 منٹ پر سورج مکمل طور پر چاند کے پیچھے چھپ جائے گا۔ سورج گرہن کا اختتام پاکستانی وقت کے مطابق رات 8 بج کر 49 منٹ پر ہو گا۔ سورج گرہن کا یہ نظارہ شمال مشرقی ایشیا، شمالی پیسفک، روس، کوریا، تائی پے اور ٹوکیو میں ممکن ہوگا۔