چین اور تائیوان میں سرحدی تناؤ بڑھ گیا

چینی صدر شی جن پنگ نے چینی فوج کو کسی بھی ہنگامی صورت حال میں جنگ کے لیے تیار رہنے کی ہدایت جاری کردی۔

غیرملکی خبررساں ادارے کے مطابق چینی صدر نے اجلاس سے خطاب کرتے ہوئے کہا کہ افواج کسی بھی قسم کی ہنگامی صورت حال سے نمٹنے کے لیے تیار رہنی چاہئیے۔ کسی بھی وقت جنگ چھڑ سکتی ہے۔

واضح رہے کہ جنوبی چینی سمندر اور تائیوان کے ساتھ جاری سرحدی تناؤ اور امریکا کی جانب سے ایشیاء ری ایشورنس ایکٹ کے اعلان کے بعد صورت حال مزید خراب ہوچکی ہے۔ چینی صدر کا کہنا تھا کہ رواں صدی دنیا میں کئی تبدیلیاں رونما ہورہی ہیں اور اس تیزی سے بدلتی صورت حال میں چین کو اپنی جغرافیائی اہمیت کے باعث مختلف خطرات کا سامنا ہے۔