آرمی چیف نے سنگین وارداتوں میں ملوث 15 دہشت گردوں کی سزائے موت کی توثیق کر دی

راولپنڈی: آرمی چیف نے شہریوں کے قتل اور دہشت گردی کی سنگین وارداتوں میں ملوث 15 دہشت گردوں کی سزائے موت کی توثیق کر دی ہے، ان دہشت گردوں کو فوجی عدالتوں نے سزائے موت سنائی تھی

آئی ایس پی آر کا کہنا ہے کہ یہ دہشت گرد 45 افراد کی موت اور 103 کو زخمی کرنے کے واقعات میں ملوث ہیں۔ دہشت گرد سیکورٹی فورسز اور تعلیمی اداروں پر حملوں میں ملوث تھے۔

پاک فوج کے شعبۂ تعلقات عامہ (آئی ایس پی آر) کے مطابق سزائے موت پانے والے دہشت گردوں میں خوال محمد، صدام اللہ ،اظہار، سید اللہ، مجاہد، طارق علی، اسرار، کلیم اللہ، محمد رحمان اور فیاض اللہ شامل ہیں