سابق گورنر سندھ محمد زبیر نے ن لیگ کیوں چھوڑی؟

سابق گورنر سندھ اور نواز شریف اور مریم نواز کے سابق ترجمان محمد زبیر نے مسلم لیگ ن کو چھوڑنے کا اعلان کر دیا۔

جی ٹی وی سے ذرائع کے مطابق محمد زبیر کا کہنا تھا کافی عرصے سے پارٹی سے تحفظات تھے، اب فیصلہ کر لیا ہے کہ مسلم لیگ ن کو خیر باد کہنے کا وقت آگیاہے۔

محمد زبیر کا کہنا تھا اپنے سیاسی مستقبل کا فیصلہ دوستوں کے مشورے کے بعد کروں گا، سیاست میں آئندہ کے لائحہ عمل کا اعلان جلد کروں گا۔

مزید پڑھیں:ہمیں طعنہ دینے والوں نے جمہوریت کو نقصان پہنچایا، نواز شریف

انہوں نے کہا کہ ہم سیاسی لوگ ہیں ،خاموش نہیں بیٹھ سکتے، کسی سیاسی جماعت میں جانے کا کوئی ارادہ نہیں۔