ملک میں عیدالفطر کب ہوگی؟ محکمہ موسمیات نے پیشگوئی کردی

محکمہ موسمیات نے ملک میں عیدالفطر کی تاریخ سے متعلق بڑی پیشگوئی کردی ہے۔

ایک بیان میں حکام محکمہ موسمیات نے کہا کہ 8 اپریل کو رات 11 بج کر 21 منٹ پر چاند کی پیدائش ہوگی جبکہ 9 اپریل کو چاند نظر آنے کے قوی امکانات ہیں۔

اس طرح محکمہ موسمیات نے ملک میں عیدالفطر 10 اپریل کو ہونے کے امکانات ظاہر کیے ہیں۔

محکمہ موسمیات نے بتایا کہ 9 اپریل کو ملک میں اکثر مقامات پر موسم صاف رہنے کا امکان ہے جب کہ شمالی علاقوں میں مطلع ابر آلود بھی ہو سکتا ہے۔

بیان میں مزید کہا گیا کہ چاند کی عمر 9 اپریل کو 19 سے 20 گھنٹنے ہو جائے گی، اور غروب آفتاب کے بعد چاند نظر آنے کا دورانیہ 50 منٹ سے زیادہ پر محیط ہوگا۔

یاد رہے کہ اس سے قبل چیئرمین رویت ہلال کمیٹی مولانا عبدالخبیر آزاد بھی سائنسی بنیاد پر 10 اپریل کو عیدالفطر ہونے کا امکان ظاہر کر چکے ہیں۔