منگل، 21-مئی،2024
( 13 ذوالقعدہ 1445 )
منگل، 21-مئی،2024

EN

واٹس ایپ نے صارفین کی آسانی کیلئے بڑی تبدیلیاں متعارف کردیں

11 مئی, 2024 18:03

مقبول میسجنگ ایپ واٹس ایپ نے اپنے صارفین کی سہولت کے لیے اپ ڈیٹڈ ڈیزائن کا نیا لے آؤٹ  متعارف کرانے کا اعلان کردیا۔

کمپنی کی جانب سے سوشل میڈیا پر جاری بیان اور ویڈیو میں بتایا گیا ہے کہ اگرچہ واٹس ایپ کی ترتیب نئی ہوگی لیکن پھر بھی صارفین کے لیے ایپ استعمال کرنا آسان ہوگا۔

نئی اپ ڈیٹ کے بعد واٹس ایپ میں کیا تبدیلی آئے گی؟

کمپنی کی جانب سے جاری بیان کے مطابق واٹس ایپ کی نئی ترتیب اور آئیکنز سے صارفین کو مطلوبہ مواد تیزی سے تلاش کرنے میں مدد ملے گی۔

تاہم اینڈرائیڈ صارفین نئی نیویگیشن بار کے ذریعے اپنے رابطوں کو تیزی سے تلاش کرسکیں گے، لیکن اینڈروئیڈ یا آئی فون صارفین کے لئے ایپ کا استعمال اب بھی ایک ہموار تجربہ ہوگا۔

کمپنی نے واٹس ایپ کے ساتھ صارفین کی مصروفیت کو بڑھانے کے لئے اینیمیشن کے ساتھ اضافی تصویریں بھی شامل کی ہیں۔

میٹا کا کہنا ہے کہ کمپنی واٹس ایپ کی نئی ترتیب کے لیے روایتی سبز رنگ کو الوداع کہہ رہی ہے اور اس میں چمکتا ہوا سبز رنگ شامل کر رہی ہے۔ کمپنی نے صارفین کے لیے ‘ڈیپ ڈارک موڈ’ متعارف کرایا ہے۔

جب کہ نئی ترتیب میں آئی فون صارفین نئی توسیع ی ٹرے کے ذریعے تصاویر اور ویڈیوز شیئر کرتے ہوئے فیچرز کو واضح طور پر دیکھ سکیں گے۔

صارفین اب فلٹرز کے ذریعے اپنی گفتگو کا بہتر انتظام کرسکیں گے، جس سے غیر پڑھی گئی گروپ چیٹس کی نگرانی کرنا آسان ہوجائے گا۔

واٹس ایپ نے ابھی تک نئی تبدیلیوں کے رول آؤٹ کی کسی تاریخ کا اعلان نہیں کیا ہے ، لیکن توقع ہے کہ یہ جلد ہی رول آؤٹ ہوجائے گا۔

Leave a Comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Scroll to Top