کسٹم کا کراچی کی ہول سیل مارکیٹ پر چھاپہ، اسمگل شدہ چھالیہ برآمد

کراچی : کسٹم نے ہول سیل مارکیٹ میں چھاپہ مار کر اسمگل شدہ چھالیہ برآمد کرلی۔

کسٹم حکام نے کراچی کی ہول سیل چھالیہ مارکیٹ جوڑیا بازار میں چھاپہ مار کر دکانوں سے اسمگل شدہ چھالیہ برآمد کرلی ہے۔ کارروائی کے دوران مارکیٹ کے داخلی خارجی راستوں کو سیل کیا گیا۔ برآمد سامان 2 مختلف ٹرکوں کی مدد سے منتقل کیا گیا۔

یہ بھی پڑھیں : حیدر آباد میں کسٹم اور رینجرز کی کارروائی، 61 ملین روپے مالیت کا غیر ملکی سامان ضبط

دکاندار کا کہنا ہے کہ کسٹم چھاپے کے دوران تالے توڑے گئے۔ دکانوں سے لاکھوں روپے مالیت کا کتھا، چھالیہ اور ڈرائی فروٹ نکال لیا گیا۔ کارروائی 2 گھنٹے تک جاری رہی۔