امریکا کا سانحہ 9 مئی کی مذمت؛ ’احتجاج پُرامن طریقے سے کیا جانا چاہیے‘

واشنگٹن: ترجمان امریکی محکمہ خارجہ کا پاکستان میں 9 مئی کے جلاؤ گھیراؤ اور لوٹ مار کے واقعات کی مذمت کرتے ہوئےاحتجاج پُرامن طریقے سے کیا جانا چاہیے۔

یہ بات محکمہ خارجہ کے ترجمان میتھیو ملر نے واشنگٹن میں ایک نیوز بریفنگ سے خطاب کرتے ہوئے کہی۔

9 مئی کے فسادات کے بارے میں ایک سوال کے جواب میں میتھیو ملر نے کہا کہ امریکہ جائز طریقے سے اظہار رائے کی آزادی کی حمایت کرتا ہے اور پرتشدد کارروائیوں کی مخالفت کرتا ہے۔

مزید پڑھیں:سینئر سیاستدان شیخ رشید کا آرمی چیف سے 9 مئی کے قیدیوں کیلئے عام معافی کا مطالبہ

انہوں نے مزید کہا، "ہم جائز، آزادی اظہار کی حمایت کرتے ہیں، جس میں احتجاج کا حق، پرامن اجتماع کا حق شامل ہے، اور ہم پرتشدد کارروائیوں کی مخالفت کرتے ہیں، ہم توڑ پھوڑ، لوٹ مار، آتش زنی کی مخالفت کرتے ہیں۔

انہوں نے مزید کہا کہ تمام مظاہرے پرامن طریقے سے ہونے چاہئیں اور حکومتوں کو قانون کی حکمرانی اور اظہار رائے کی آزادی سے مستقل طور پر نمٹنا چاہئے۔

گزشتہ سال 9 مئی کو پاکستان بھر میں فسادات اس وقت شروع ہوئے تھے جب معزول وزیر اعظم عمران خان کو 190 ملین پاؤنڈ کے معاہدے میں گرفتار کیا گیا تھا۔

پی ٹی آئی کے متعدد کارکنوں اور رہنماؤں کو تشدد اور فوجی تنصیبات پر حملوں میں ملوث ہونے پر سلاخوں کے پیچھے ڈال دیا گیا تھا۔

خیال رہے کہ مظاہروں کے دوران شرپسندوں نے جناح ہاؤس اور جنرل ہیڈ کوارٹرز (جی ایچ کیو) سمیت سول اور فوجی تنصیبات کو نشانہ بنایا۔

پاکستانی فوج نے 9 مئی کو "یوم سیاہ” قرار دیا اور آرمی ایکٹ کے تحت مظاہرین پر مقدمہ چلانے کا فیصلہ کیا تھا۔