بدھ، 19-جون،2024
( 13 ذوالحجہ 1445 )
بدھ، 19-جون،2024

EN

ترکیہ نے اسرائیل کو شکست دیکر جیت فلسطینیوں کے نام کردی

04 جون, 2024 21:58

یورپی چیمپیئن شپ کے اہم میچ میں ترکیہ نے اسرائیل کو شکست دیکر جیت فلسطین کے مظلوم مسلمانوں کے نام کردی۔

فرانس کے کیملی فورنیئر اسٹیڈیم میں کھیلے گئے میچ میں ترکیہ ٹیم نے اسرائیل کو روندتے ہوئے 0-6 کی ہزیمت سے دوچار کیا، میچ کے اختتام پر کھلاڑیوں نے اسرائیلی فوج کی غزہ میں وحشیانہ بمباری و قتل عام پر احتجاج بھی کیا۔

ترک کھلاڑیوں نے حریف ٹیم کے پلئیرز سے مصافحہ کرنے سے انکار کرتے ہوئے جیت کو فلسطینی عوام کے نام کی۔

میچ کے بعد غزہ کے مظلوم مسلمانوں سے اظہار یکجہتی کرتے ہوئے دعائیہ کلمات بھی پڑھے۔

واضح رہے کہ غزہ میں 7 ماہ تک جاری رہنے والی اسرائیلی جارحیت کے نتیجے میں 36,000 سے زیادہ فلسطینی شہید ہوچکے ہیں، جن میں بڑی تعداد خواتین اور بچوں کی ہے۔

یورپی چیمپیئن شپ میں ترک ٹیم اگلے گروپ میچ میں آذربائیجان کا مقابلہ کرے گا۔

خیال رہے کہ گروپ مراحل میں 16 ٹیموں کے درمیان مقابلہ ہوگا، ہر گروپ سے ٹاپ 2 ٹیمیں کوارٹر فائنل میں پہنچیں گی۔

Leave a Comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Scroll to Top