مقبول خبریں
چیف جسٹس لاہور ہائیکورٹ نے انتظامی برانچوں کا سربراہ حاضر سروس ججوں کو لگا دیا
Adnan Hashmi
12 جولائی, 2021 10:55
لاہور : چیف جسٹس ہائیکورٹ امیر بھٹی نے انتظامی برانچوں کا سربراہ حاضر سروس ججوں کو لگا دیا۔
لاہور ہائی کورٹ کے انتطامی ڈھانچے میں وسیع پیمانے پر تبدیلیاں کردیں گئیں ہیں۔ انتظامی برانچوں کا سربراہ حاضر سروس ججوں کو لگا دیا گیا۔ چیف جسٹس امیر بھٹی نے نوٹیفکیشن جاری کردیا۔
لاہور ہائی کورٹ نے تمام جوڈیشل برانچوں سے کرپشن کے خاتمہ کیلئے مؤثر اقدامات لے لیئے۔ ڈسٹرکٹ اینڈ سیشن جج کی سربراہی میں ڈائریکٹر جنرل جوڈشل اینڈ کیس مینجمنٹ کا تقرر کردیا گیا۔ ڈی جی کرپشن کے خاتمہ کے علاوہ کیسوں کی فکسیشن کے بھی ذمہ دار ہوں گے۔
یہ بھی پڑھیں : لاہور کی یونیورسٹیوں کے طلباء کا پاک فوج کے ساتھ ایک دن، ٹینکوں کی سواری
ایڈیشنل سیشن جج کو ایڈشنل رجسٹرار جوڈیشل لگا دیا گیا۔ ایڈیشنل رجسٹرار جوڈیشل کیسوں کی مارکنگ اور ججوں کا روسٹر جاری کرنے کے مجاز ہوں گے۔
اسی طرح ایڈیشنل سیشن ججز ہی ایڈیشنل رجسٹرار کیس کمپلیشن اور کیس مینجمنٹ ہوں گے۔ پہلے یہ دونوں عہدوں کے انچارج لاہور ہائی کورٹ کے گریڈ 20 کے افسر ہوتے تھے۔
ارجنٹ سیل، آئی ٹی، کیس مینجمنٹ، ریسرچ، کیس فیکسر کے ڈپٹی رجسٹراروں کا انچارج سینیئر سول ججز کو بنا دیا گیا۔
متعلقہ خبریں
