سیشن جج کے اغوا میں طالبان ملوث ہونے کا شبہ، تحقیقات کیلئے کمیٹی قائم

سیشن جج وزیرستان شاکر اللہ مروت کے اغوا کا مقدمہ سی ٹی ڈی نے سرکاری کی مدعیت میں درج کرلیا۔

پولیس کو مغوی کی گاڑی بھی مل گئی، شاکر اللہ مروت کو ٹانک اور ڈیرہ اسماعیل خان کے سنگم پر واقع گرہ محبت اڈہ کے مقام سے اغوا کیا گیا تھا۔

پولیس حکام نے بتایا کہ جج کے مبینہ اغوا کیس سے متعلق خصوصی کمیٹی قائم کر دی گئی جس میں سی ٹی ڈی پولیس اور دیگر سکیورٹی اداروں کے حکام شامل ہیں۔

حکام نے بتایا کہ جج کی بازیابی کے لیے سی ٹی ڈی ٹیم الگ سے تحقیقات کر رہی ہے جب کہ ڈی آئی خان ریجن کے مختلف علاقوں میں سرچ آپریشن کے ساتھ کئی مشتبہ افراد سے تفتیش بھی جاری ہے۔

دوسری جانب ذرائع نے دعویٰ کیا ہے کہ مغوی سیشن جج کے اغوا میں طالبان کے ملوث ہے اور شاکر اللہ مروت کو افغانستان منتقل کے جانے کا بھی خدشہ ہے۔