شوہر کا ایسا شرم ناک کارنامہ، بیوی مقدمہ دائر کرنے پر مجبور ہوگئی؟

ترک خاتون نے اپنے شوہر کے ایک شرم ناک کارنامے کی وجہ سے طلاق کا مقدمہ دائر کردیا، ترک خاتون کی جانب سے اپنے شوہر کے خلاف دائر طلاق کے مقدمے نے ترکیہ میں سوشل میڈیا پر دھوم مچ گئی۔

اس مقدمہ میں خاتون نے ایک عجیب وجہ سے اپنے شوہر سے علیحدگی کی درخواست دائر کردی۔ اس وجہ کو جان کر سوشل میڈیا پر سرگرم افراد نے خاتون کے ساتھ اظہار ہمدردی کیا اور اس کی علیحدگی کی درخواست کی تائید کی۔ خاتون نے شوہر پر ٹیڑھے اور غیر اخلاقی طریقوں سے رقم حاصل کرنے کا الزام لگایا۔

چند روز قبل ایک ترک خاتون نے اپنے شوہر کے خلاف اس وقت طلاق کا مقدمہ دائر کردیا جب اسے پتہ چلا کہ وہ غیر اخلاقی اور مکروہ طریقوں سے رقم وصول کر رہا ہے۔

خاتون نے عدالت میں جج کو بتایا کہ اس کا شوہر سالوں سے ایک خاتون کا روپ دھار کر فون پر مردوں کو دھوکہ دیتا ہے۔ اس کا شوہر خاتون بن کر مردوں کو اکساتا اور پھر انہیں پیسے بھیجنے پر مجبور کرتا ہے۔

بیوی کی جانب سے اپنے ساتھی سے علیحدگی کی عجیب و غریب وجہ سوشل میڈیا ویب سائٹس پر بحث کا موضوع بن گئی۔

خاتون نے مزید بتایا کہ میرے شوہر نے خواتین کے موزے پہن رکھے تھے اور فون پر عورت ہونے کا بہانہ کر رہا تھا، وہ مردوں سے بات کر رہا تھا اور سوشل نیٹ ورکنگ سائٹس پر بنائے گئے جعلی اکاؤنٹس کے ذریعے انہیں دھوکہ دے رہا تھا۔

بیوی نے اپنے شوہر کے اس طریقے کو اپنے لیے ” سکینڈل” سمجھا۔ اس نے اپنے بیانات میں مزید کہا کہ میرے شوہر نے مردوں کو دھوکہ دینے اور انہیں پیسے بھیجنے پر مجبور کرنے کے لیے ایک عورت کی نقالی کی۔

بیوی کے بیانات کے مطابق اس کے شوہر کو ہر ویڈیو کال کے لیے 100 ترک لیرا (تقریباً 4 امریکی ڈالر) ادا کیے گئے جس میں وہ اپنی خواتین کے جرابوں سے مردوں کو پھنسانے کی کوشش کرتا نظر آیا۔ مختلف قومیتوں کے مرد اس ترک شخص کا شکار ہو گئے جو ان کالز کو ریکارڈ کر رہا تھا اور ان کی گفتگو کی تصاویر بھی لے رہا تھا۔

دھوکہ باز شوہر کا خیال تھا کہ اس کی بیوی اسے ظاہر نہیں کرے گی۔ لیکن بیوی نے اس کا پردہ فاش کردیا اور اس حوالے سے اپنے شوہر کی ایک تصویر کھینچ لی جس میں وہ خواتین کے موزے پہنے ہوئے اور ایک بچہ پکڑے ہوئے تھا تاکہ فون کرنے والے کو یقین ہو کہ وہ ایک عورت ہے۔ ترکیہ کی ایک عدالت اپنے شوہر سے علیحدگی سے متعلق بیوی کی درخواست پر بعد میں فیصلہ کرے گی۔ امکان ہے کہ ترک مرد کو "سائبر کرائمز” کے ارتکاب کی سزا دی جا سکتی ہے۔

خیال رہے کہ طلاق کا یہ مقدمہ ترکیہ میں اپنی نوعیت کا پہلا مقدمہ ہے۔