مقبول خبریں
روس اور چین نے غزہ میں جنگ بندی سے متعلق امریکی قرارداد کو ویٹو کر دیا
جی ٹی وی ویب ڈیسک
22 مارچ, 2024 19:13
روس اور چین نے اقوام متحدہ کی سکیورٹی کونسل میں غزہ جنگ بندی سے متعلق امریکا کی جانب سے پیش کی گئی قرار داد کو ویٹو کردیا۔
اقوام متحدہ کی سلامتی کونسل غزہ میں فوری جنگ بندی کا مطالبہ کرنے والی قرارداد منظور کرنے میں ناکام ہو گئی ہے کیونکہ مستقل ارکان روس اور چین نے امریکا کی طرف سے تجویز کردہ اقدام کے خلاف ووٹ دیا ہے۔
قرارداد کے حق میں 11 ممالک نے ووٹ کیا جب کہ تین ممالک کی جانب سے قرارداد کی مخالفت کی گئی۔
قرارداد میں مطالبہ کیا گیا تھا کہ ‘فوری اور پائیدار جنگ بندی’ تقریبا چھ ہفتوں تک جاری رہے گی جس سے شہریوں کو تحفظ ملے گا اور انسانی امداد کی فراہمی ممکن ہو سکے گی۔
China and Russia veto draft resolution that would have determined the imperative of an immediate ceasefire in Gaza.
IN FAVOUR: 11
AGAINST: 3
ABSTAIN: 1Live coverage ⤵️https://t.co/7eqHReukXU pic.twitter.com/Wc9ZKl0fuU
— UN News (@UN_News_Centre) March 22, 2024
اقوام متحدہ میں روس کے سفیر ویسیلی نیبینزیا نے کہا کہ یہ قرارداد انتہائی سیاسی ہے جس میں اسرائیل کے لیے رفح میں فوجی آپریشن شروع کرنے کے لیے موثر گرین سگنل موجود ہے۔
اس موقع پر چین نے مؤقف اپنایا کہ بلامقصد قراردادوں سے امن قیام نہیں ہوسکتا۔
متعلقہ خبریں
