ملک کے مخلتف علاقوں میں آج سے بارش کی پیشگوئی

پاکستان کے مختلف علاقوں میں آج سے 7 جون تک بارش کا امکان ہے۔

محکمہ موسمیات کے مطابق کمزور مغربی ہوائیں آج 4 جون سے بالائی اور وسطی علاقوں میں داخل ہوں گی جس کے سبب  ملک کے مختلف حصوں میں آندھی، جھکڑ چلنے اور گرج چمک کے ساتھ بارشیں متوقع ہیں۔

محکمہ موسمیات نے بتایا کہ گلگت بلتستان، آزاد کشمیر، اسلام آباد، خوشاب، فیصل آباد، گوجرانوالہ اور اوکاڑہ میں بارش ہوگی۔

اس کے علاوہ بہاولپور، ڈیرہ غازی خان، ملتان اور لیہ میں بھی آندھی اور گرج چمک کے ساتھ بارش کا امکان طاۃر کیا گیا ہے۔

محکمہ مومسیات نے کہا کہ جیکب آباد، لاڑکانہ،کوئٹہ اور بارکھان میں گرج چمک کے ساتھ بارشوں کا امکان ہے۔

اپنے الرٹ میں محکمہ موسمیات نے بتایا کہ آندھی سے کھڑی فصلوں اور کمزور انفرااسٹرکچر کو نقصان کا اندیشہ ہے۔