کراچی سپریم کورٹ کے باہر سرکاری کوارٹرز خالی کروانے کیخلاف احتجاج کیا جا رہا ہے۔

چیف جسٹس پاکستان آج سپریم کورٹ کراچی رجسٹری میں منچھر جھیل آلودگی، واٹر کمیشن سے متعلق درخواستوں کی سماعت کریں گے، اس کے علاوہ پارکس پر قبضے، سندھ پولیس میں کرپشن اور لوڈشیڈنگ سے متعلق کیسز کی بھی سماعت ہوگی۔

چیف جسٹس پاکستان جسٹس میاں ثاقب نثار کی کراچی آمد کے موقع پر سپریم کورٹ کراچی رجسٹری کے باہر سرکاری کوارٹرز میں رہنے والے افراد گھر خالی کرانے کے نوٹس ملنے کے خلاف احتجاج کر رہے ہیں۔

واضح رہے کہ آج جسٹس ثاقب نثارکاسیوریج واٹر ٹریٹمنٹ کی افتتاحی تقریب میں شرکت کے بعد کیسز کی سماعت کریں گے۔