شہزادہ ولیم نے قریبی دوست کو اپنا مشیر مقرر کردیا

لندن: شہزادہ ولیم نے اپنے سب سے پرانے اور قریبی دوستوں میں سے ایک ولیم وان کٹسم کو مشیر مقرر کردیا ہے۔

ڈیلی ٹیلی گراف کو موصول ہونے والی دستاویزات کے مطابق 44 سالہ چارٹرڈ سروےر کو "خاندان کے گھر اور کاشتکاری کے کاروبار کے اندر تجدیدی کاشتکاری کے طریقوں میں گہری دلچسپی” کے طور پر بیان کیا گیا ہے۔

مزید پڑھیں:چارلس نے خفیہ خطوط میں ڈیانا کے بارے میں کیا انکشافات کیے؟

یہ اعلان اس خبر کے ساتھ ہوا ہے کہ شہزادہ ولیم نے ملکہ کیمیلا کی بہن اینابیل ایلیٹ کو جائیداد کے پے رول سے ہٹا دیا ہے۔

اس سے قبل انکے بہنوئی شاہ چارلس کی جانب سے مقرر کی جانے والی اینابیل نے 2005 میں کیمیلا سے شادی کے بعد جاگیروں کے چیف ڈیزائنر کی حیثیت سے خدمات انجام دیں اور کورنوال، ویلز اور جزائر سیلی میں مختلف جائیدادوں میں انٹیریئر ڈیزائن خدمات کے لیے خاطر خواہ معاوضہ وصول کیا۔

ماضی کے اکاؤنٹس سے پتہ چلتا ہے کہ کرائے کی جائیدادوں کی دیکھ بھال، ڈچی دفاتر، ایک پلانٹ نرسری اور فرنیچر خریدنے کے لئے £ 19,625 پاؤنڈ سے 82،272 تک کی ادائیگیاں کی گئیں۔

خیال رہے کہ پرنس آف ویلز کو ستمبر 2022 میں اپنی دادی ملکہ الزبتھ کے انتقال کے بعد ڈچی آف کورنوال اسٹیٹ وراثت میں ملی تھی۔

تاہم ڈیوک آف کورن وال کی حیثیت سے ولیم کے پہلے پورے سال کا احاطہ کرنے والے تازہ ترین اکاؤنٹس سے انکشاف ہوا ہے کہ اینابیل کو 2023-2024 کی مدت کے دوران ان کی خدمات کے لئے ادائیگی نہیں ملی۔

اس کے باوجود، وہ حال ہی میں بادشاہ چارلس کی سکاٹش رہائش گاہ بالمورل میں منصوبوں کی نگرانی کیلئے کام کر رہی ہیں، جو اس موسم گرما میں آنے والے عوامی افتتاح سے پہلے ہے۔