مقبول خبریں
صدر مملکت نے مظاہر نقوی کو برطرف کرنے کی منظوری دیدی
![صدر مملکت نے مظاہر نقوی کو برطرف کرنے کی منظوری دیدی](https://urdu.gtvnewshd.com/wp-content/uploads/2024/03/WhatsApp-Image-2024-03-20-at-4.58.23-PM.jpeg)
صدر مملکت آصف علی زرداری نے سپریم کورٹ کے سابق جج مظاہر نقوی کو برطرف کرنے کی منظوری دے دی۔
نوٹیفکیشن کے مطابق مظاہر نقوی کو مس کنڈکٹ کا مرتکب قرار دیا جاتا ہے جب کہ سابق جج مظاہر نقوی کے استعفے کی منظوری کا نوٹیفکیشن واپس لے لیا گیا، مظاہر نقوی کی برطرفی 10جنوری سے تصور ہوگی۔
وزارت قانون نے جسٹس (ر) مظاہر نقوی کے استعفے کی منظوری کا 11 جنوری کا نوٹیفکیشن بھی واپس لے لیا۔ مظاہر نقوی 10 جنوری 2024 سے بطور جج سپریم کورٹ عہدے سے برطرف تصور ہوں گے۔
مظاہر نقوی کو مس کنڈکٹ کا مرتکب قرار دیا جاتا ہے، نوٹیفکیشن کے بعد مظاہر نقوی کو پینشن و دیگر مراعات حاصل نہیں ہونگی۔
وزارت قانون وانصاف نے نوٹیفکیشن جاری کردیا۔
وزارت قانون نے سپریم جوڈیشل کونسل کی رائے کے بعد فیصلہ کیا ہے۔ جوڈیشل کونسل نے پانچ الزامات ثابت ہونے پر مظاہر نقوی کو مس کنڈکٹ کا مرتکب قرار دیا تھا۔
مزید پڑھیں:
جسٹس (ر) مظاہر نقوی مس کنڈکٹ کے مرتکب قرار، جوڈیشل کونسل نے برطرفی کی سفارش کردی
سابق جج مظاہر نقوی پر 5 الزامات ثابت ہوئے، سپریم جوڈیشل کونسل کی رائے
واضح رہے کہ مظاہر نقوی کو برطرف کرنے کی سفارش سپریم جوڈیشل کونسل نے کی تھی، تاہم نوٹیفکیشن کے بعد مظاہر نقوی کو پنشن و دیگر مراعات حاصل نہیں ۔ہوں گی۔