پیٹرولیم مصنوعات کی قیمتوں میں بڑی کمی کا امکان

یکم مئی سے پاکستان میں پیٹرولیم مصنوعات کی قیمتوں میں بڑی کمی متوقع ہے۔

ذرائع کے مطابق عالمی منڈی میں خام تیل کی قیمت میں گزشتہ دو ہفتوں کے دوران کمی کا رجحان دیکھا جا رہا ہے، جس کی وجہ سے پاکستان میں بھی پیٹرول 5 روپے فی لیٹر سستا ہو سکتا ہے۔

ذرائع نے بتایا کہ فی لیٹر ڈیزل 8 روپے، مٹی کے تیل کی قیمت میں 8 روپے 3 پیسے  جب کہ لائٹ ڈیزل کی قیمت میں 5 روپے 40 پیسے فی لیٹر کمی کا امکان ہے۔

آئل اینڈ گیس ریگولیٹری اتھارٹی (اوگرا) اس سلسلے میں آج پیٹرولیم مصنوعات کی قیمتوں میں کمی کی سمری ارسال کرے گی۔

پیٹرولیم مصنوعات کی قیمتوں کا حتمی فیصلہ وزارت خزانہ وزیر اعظم شہباز شریف کی مشاورت سے کرے گی۔