مقبول خبریں
پاکستان میں رجسٹرڈ افغان مہاجرین کو قیام کیلئے ایک سال کی مہلت مل گئی
![پاکستان میں رجسٹرڈ افغان مہاجرین کو قیام کیلئے ایک سال کی مہلت مل گئی](https://urdu.gtvnewshd.com/wp-content/uploads/2024/07/Afghan-Refugee.jpg)
وفاقی حکومت نے پاکستان میں رجسٹرڈ افغان مہاجرین کے قیام میں ایک سال کی توسیع کی منظوری دے دی۔
بدھ کو کابینہ کے اجلاس کے بعد جاری ہونے والے ایک سرکاری بیان میں کہا گیا ہے کہ ملک میں قانونی طور پر مقیم 1.45 ملین افغان مہاجرین (جن کے پاس پی او ایف کارڈز) ہیں وہ ملک میں قیام کرسکتے ہیں۔
وفاقی کابینہ نے پروف آف رجسٹریشن کارڈز کی مدت میں ایک سال کی توسیع کی منظوری دیدی ہے۔
یہ فیصلہ نگراں حکومت کی جانب سے گزشتہ سال اکتوبر میں سیکیورٹی خدشات کا حوالہ دیتے ہوئے افغان مہاجرین سمیت تمام غیر قانونی غیر ملکیوں کی وطن واپسی کے اعلان کے بعد سامنے آیا ہے۔
حکام نے اس بات کی تردید کی کہ اعلان میں خاص طور پر افغان مہاجرین کو نشانہ بنایا گیا، یکم نومبر کو غیر دستاویزی افغانیوں کی وطن واپسی شروع ہوئی، اب تک 500,000 تک افغانستان واپس جا چکے ہیں۔
اقوام متحدہ کے ہائی کمیشن برائے مہاجرین (یو این ایچ سی آر) کے مطابق، پاکستان میں تقریباً 1.3 ملین رجسٹرڈ افغان آباد ہیں، اس کے علاوہ 800,000 سے زائد افغان شہریت کارڈ رکھتے ہیں۔
واضح رہے کہ پی او ایف کارڈز کے تحت رجسٹرڈ افغان مہاجرین کیلئے ملک میں شناخت کا ہم ذریعہ ہے، جن میں سے اکثر 40 سال سے پاکستان میں مقیم ہیں۔
وفاقی کابینہ کی جانب سے پی او آر کارڈز کی میعاد میں توسیع کا فیصلے کے بعد قانونی دستاویزات کے حامل افغانیوں کی وطن واپسی معطل کردی ہے۔