مقبول خبریں
اپوزیشن انتخابی مہم کے دوران بھی کشمیر کاز کو نقصان پہنچا رہی ہے : وزیراعلیٰ پنجاب
لاہور : عثمان بزدار کا کہنا ہے کہ اپوزیشن والے انتخابی مہم کے دوران بھی کشمیر کاز کو نقصان پہنچا رہے ہیں۔
وزیراعلی پنجاب عثمان بزدار نے جاری بیان میں کہا ہے کہ وزیراعظم عمران خان کشمیر کے جرات مند سفیر ہیں، انہوں نے ہر فورم پر کشمیر کا مقدمہ لڑا ہے۔
یہ بھی پڑھیں : پاکستان اہلِ کشمیر کو حقِ خود ارادیت ملنے تک سمجھوتہ نہیں کرے گا : وزیراعظم
ان کا کہنا تھا کہ تنازعہ کشمیر کو بین الاقوامی سطح پر اجاگر کرنے کا کریڈٹ وزیراعظم عمران خان کو جاتا ہے۔ اپوزیشن والے انتخابی مہم کے دوران بھی کشمیر کاز کو نقصان پہنچا رہے ہیں۔
وزیراعلیٰ پنجاب نے کہا کہ مسئلہ کشمیر پر سیاست چمکانے والے قومی مفادات کو یکسر نظر انداز کئے ہوئے ہیں۔ اپوزیشن کی جانب سے کشمیر پر ذاتی مفادات کو ترجیح دینا سنگ دلی اور بے حسی ہے۔