الیکشن میں کامیابی کے لیئے مودی حکومت پاکستان پر حملہ کر سکتی ہے: محبوبہ مفتی

سری نگر : بی جے پی الیکشن جیتنے کے لیئے پاکستان پر حملہ کرسکتی ہے، مقبوضہ کشمیر کی سابقہ وزیراعلیٰ محبوبہ مفتی کا خدشہ

مقبوضہ کشمیر کی سابقہ وزیراعلیٰ محبوبہ مفتی نے کہا ہے کہ بھارت کی حکمران جماعت بی جے پی شدید مایوسی کا شکا رہے اور مقبوضہ کشمیر پلوامہ حملے کی غیرجانبدارانہ تحقیقات سے دور ہے۔

محبوبہ مفتی نے خدشہ ظاہر کیا ہے کہ بی جے پی انتخابات میں فتح کے لیئے کوئی بھی چال چل سکتی ہے اور پاکستان پر ایک اور حملہ ہوسکتا ہے۔

محبوبہ مفتی کا بیان ایسے وقت میں سامنے آیا ہے جب بھارت میں سیاسی جماعت بی جے پی انتخابی میدان میں کامیابی کے لیے مسلسل پاکستان پر الزام تراشیوں میں مصروف ہے۔