مغربی تہذیب کو قتل کرنے کا الزام، جیف بیزوس کی سابقہ اہلیہ کا مسک کو کرارا جواب

ایمیزون کی شریک بانی اور جیف بیزوس کی سابقہ اہلیہ میکنزی اسکاٹ اور ایکس کے مالک ایلون مسک سوشل میڈیا پر آمنے سامنے آگئے۔

میکنزی اسکاٹ کو گزشتہ دنوں ایلون مسک کی جانب سے تنقید کا نشانہ بنایا گیا تھا جس پر اب انہوں نے مضحکہ خیز جواب دیتے ہوئے اسپیکس ایکس کے مالک کو آڑے ہاتھوں لیا۔

میکنزی اسکاٹ اپنے سابق شوہر بیزوس کے ساتھ ایمیزون کی شریک بانی ہیں جنہوں نے بیزوس سے علیحدگی کے بعد اپنے خیراتی کاموں کی وجہ سے شہرت حاصل کی ہے۔

ایمیزون کی شریک بانی نے اس سے قبل گزشتہ سال 250 تنظیموں کو 10 لاکھ ڈالر دینے کا وعدہ کیا تھا اور ایسا لگتا ہے کہ ان کے اقدامات سے ایلون مسک ناراض ہیں۔

6 مارچ کو حذف کی جانے والی ایک پوسٹ میں میکنزی اسکاٹ کو تنقید کا نشانہ بناتے ہوئے ایلون مسک نے کہا تھا کہ ‘اپنے سابقہ شریک حیات سے نفرت کرنے والی انتہائی امیر سابق بیویوں’ کو ‘مغربی تہذیب کے مرنے کی وجوہات’ میں شامل کیا جانا چاہیے۔

Yes. It’s safe to say that Mackenzie [ahem] Scott is not exactly a big fan of her ex-husband.

Unfortunately, a lot of others are getting caught in the crossfire.

— Elon Musk (@elonmusk) May 31, 2022

اس سے قبل ایلون مسک نے خیراتی کاموں کے لیے رقم عطیہ کرنے پر اسکاٹ کو تنقید کا نشانہ بنایا تھا اور مئی 2022 میں دعویٰ کیا تھا کہ ڈیموکریٹک پارٹی ان کی اپنی کمپنیوں کو نظر انداز کر رہی ہے کیونکہ اسکاٹ نے ‘خیراتی اداروں کے طور پر پی اے سی’ کو چندہ دیا تھا۔

مسک نے اپنی ایک اور ٹویٹ میں لکھا تھا کہ یہ کہنا محفوظ ہے کہ میکنزی [اہیم] اسکاٹ اپنے سابق شوہر کی بہت بڑی مداح نہیں ہے۔ بدقسمتی سے، بہت سے دوسرے لوگ کراس فائر میں پھنس رہے ہیں۔

اب جیف بیزوس کی سابق اہلیہ ا نے مزید عطیات دینے کا فیصلہ کیا ہے اور وہ 361 تنظیموں کے درمیان 640 ملین ڈالر تقسیم کریں گی پہلے وعدہ کردہ رقم سے بہت زیادہ ہے۔

اسکاٹ نے ایمیزون کے بانی بیزوس سے طلاق کے بعد حاصل ہونے والی دولت میں سے 16.5 بلین ڈالر عطیہ کیے ہیں۔

اپنے فلاحی کاموں پر روشنی ڈالتے ہوئے ایک مضمون میں انہوں نے لکھا کہ دوسرے لوگوں کی معلومات، میری ٹیم، غیر منافع بخش ٹیمیں جنہیں میں دے رہی ہوں – میرے لئے بہت مددگار ثابت ہوئی ہیں۔

میکنزی اسکاٹ نے کہا کہ اگر ان تحائف کے بارے میں مزید معلومات کسی کے لئے مددگار ثابت ہوسکتی ہیں تو میں اسے شیئر کرنا چاہتا ہوں۔