غزہ پر اسرائیلی فضائی حملے میں 2 ڈاکٹر شہید ہوگئے

غزہ کے شہری دفاع کے ادارے کا کہنا ہے کہ اتوار کے روز وسطی قصبے دیر البلاح میں ہلاک ہونے والوں میں دو ڈاکٹر بھی شامل ہیں جب کہ اے ایف پی کے نامہ نگاروں نے غزہ شہر کے قریب اسرائیلی ہیلی کاپٹروں کی بھاری فائرنگ کی اطلاع دی ہے۔

محصور غزہ کی پٹی پر اسرائیل کی جنگ کے 219 ویں دن اسرائیلی فوجی ٹینکوں نے شمالی غزہ میں گنجان آباد جبالیہ پناہ گزین کیمپ میں گہرائی میں جانا شروع کر دیا۔

عینی شاہدین کا کہنا ہے کہ فوجی ٹینک انخلاء مراکز اور رہائشی عمارتوں کے ارد گرد موجود ہیں کیونکہ اس علاقے میں غزہ شہر کے مغربی حصے میں بڑے پیمانے پر انخلا اور نقل مکانی دیکھی جا رہی ہے۔

یہ اقدام ایسے وقت میں سامنے آیا ہے جب اسرائیل نے غزہ کی پٹی کے جنوبی علاقے رفح سے انخلا کے حکم نامے میں توسیع کے بعد غزہ پر حملے شروع کیے ہیں۔

اقوام متحدہ کے سیکریٹری جنرل انتونیو گوتریس نے غزہ پر جنگ کو فوری طور پر روکنے، یرغمالیوں کی واپسی اور محصور فلسطینی علاقے میں انسانی امداد میں اضافے پر زور دیا ہے۔