مقبول خبریں
NewsTicker
‘چیخ و پکار اور ڈرامے کی ضرورت نہیں’، توہین عدالت پر واوڈا اور کمال سپریم کورٹ طلب
17-مئی،2024
فلسطینیوں کے جزبہ ایمانی سے متاثر ہوکر فرانسیسی فٹبال کوچ نے اسلام قبول کرلیا
معروف فٹ بال لیگ میں مولودیا ڈی الگر کی قیادت کرنے والے فرانسیسی فٹ بال کوچ پیٹریس بیومیل نے اسلام قبول کر لیا ہے۔
یہ اعلان اس وقت سامنے آیا جب پیٹریس بیومیل نے الجزائر کے شہر ایل ہارچ میں ڈیجینیمبروک مسجد میں تبدیلی مذہب کی ایک تقریب میں شرکت کی۔
مقامی اطلاعات کے مطابق نماز جمعہ کے بعد انہوں نے با آواز بلند کلمہ طیبہ پڑھا جس سے ان کے نئے عقیدے کی تصدیق ہوئی۔
مسجد میں اس لمحے کی ایک ویڈیو وائرل ہو رہی ہے جس میں پیٹریس بیومیل نے اپنے فیصلے پر خوشی کا اظہار کیا ہے۔
امام مسجد نے بھی نمازیوں سے خطاب کرتے ہوئے کہا کہ بیومیل نے فلسطینی عوام کے جزبہ ایمان سے متاثر اسلام قبول کرلیا ہے۔
انہوں نے کہا کہ بیومیل نے اسلام قبول کیا کیونکہ وہ اسرائیلی قابضین کی جارحیت اور حملوں کے خلاف فلسطینی قوم کی مزاحمت سے متاثر تھے۔
باضابطہ اعلان سے قبل پیٹریس بیومیل کی مذہبی تبدیلی کے بارے میں بڑے پیمانے پر قیاس آرائیاں کی جارہی تھیں۔