اسرائیل کی حمایت: کینیڈین فنکارہ کا بائیڈن انتظامیہ کی تقریبِ دیوالی کا بائیکاٹ

بھارتی نژاد کینیڈین شاعرہ اور فنکارہ روپی کور نے فلسطینیوں پر اسرائیلی جارحیت کی حمایت کرنے پر بائیڈن انتظامیہ کی دیوالی کی تقریب میں شرکت سے انکار کر دیا۔

روپی کور نے سوشل میڈیا ویب سائٹ ایکس پر فلسطینیوں پر ہونے والے ظلم و ستم کی حمایت کے باوجود بھی بائیڈن انتظامیہ کی جانب سے دیوالی کی تقریب میں شرکت کے لیے دعوت نامہ موصول ہونے پر حیرت کا اظہار کیا ہے۔

I received an invite from the Biden administration for a Diwali event being held by the VP on nov 8. I decline any invitation from an institution that supports the collective punishment of a trapped civilian population—50% of whom are children. pic.twitter.com/J3V5om89Se

— rupi kaur (@rupikaur_) November 6, 2023

اُنہوں نے لکھا کہ کچھ دنوں پہلے مجھے بائیڈن انتظامیہ کی جانب سے دیوالی کی تقریب میں شرکت کے لیے دعوت نامہ موصول ہوا، میں حیران ہوں کہ یہ انتظامیہ ایک ایسے وقت میں دیوالی منا رہی ہے جب یہ خود فلسطینیوں پر اسرائیلی مظالم کی حمایت کر رہی ہے۔

فنکارہ نے مزید لکھا ہے کہ دنیا بھر میں موجود جنوبی ایشیاء سے تعلق رکھنے والے لوگ دیوالی کا تہوار مناتے ہیں، ہندو مت، جین مت اور سکھ مذاہب کی روایات کے مطابق دیوالی بھلائی کی برائی پر اور علم کی جہالت پر جیت کا جشن ہے۔

اُنہوں نے لکھا ہے کہ اسی لیے میں ایسے ادارے کی طرف سے موصول ہونے والے دعوت نامے کو مسترد کرتی ہوں جو معصوم لوگوں پر ظلم کرنے کی حمایت کر رہا ہے۔

یہ پڑھیں : غزہ میں اسرائیلی بمباری کا 33 واں روز، شہدا کی گنتی اب ممکن نہ رہی