سابق امریکی صدر ڈونلڈ ٹرمپ پر فائرنگ کے دوران تصویری تجزیہ

امریکی ریاست پنسلوانیا کے ایک ریلی کے دوران سابق امریکی صدر ڈونلڈ ٹرمپ کو اس وقت اسٹیج سے اتار دیا گیا جب ایک مسلح شخص نے قریبی عمارت سے فائرنگ کر دی۔

فوٹو: اے پی

صدارتی انتخابات کے لیے ریپبلیکن امیدوار زمین پر گر پڑے اور ان کے چہرے پر خون کی لہر دوڑ گئی۔ بعد میں انہوں نے بتایا کہ ایک گولی کی آواز سنی جو انکے کان کو چھوگئی۔

سابق امریکی صدر ڈونلڈ ٹرمپ پر حملے کے فوری بعد انہیں وہاں سے ریسکیو کرتے ہوئےنکالا گیا۔

امریکی صدر جوبائیڈن نے ڈونلڈ ٹرمپ پر فائرنگ ہونے والے واقعے پرمذمت کرتے ہوئے کہا کہ مجھے سن کر خوشی ہوئی کہ وہ حملے میں محفوظ رہے۔

پاکستان کے صدر مملکت آصف علی زرداری اور وزیراعظم شہباز شریف نے سابق امریکی صدر ڈونلڈ ٹرمپ پر خطاب ریلی کے دوران حملے کی شدید مذمت کی ہے۔

فائرنگ کی آواز سنتے ہی ریلی میں شامل افراد زمین پر گر گئے اور کچھ لوگ علاقے سے فرار ہو گئے۔

ایک عینی شاہد نے بی بی سی کو بتایا کہ انھوں نے ٹرمپ کو گولی مارنے سے چند لمحے قبل ایک عمارت کی چھت پر رائفل کے ساتھ ایک شخص کو دیکھا تھا۔