مقبول خبریں
آئی ایم ایف کا ریٹیلرز، رئیل اسٹیٹ اور مینوفیکچر سیکٹر پر ٹیکس لگانے کا مطالبہ
![آئی ایم ایف کا ریٹیلرز، رئیل اسٹیٹ اور مینوفیکچر سیکٹر پر ٹیکس لگانے کا مطالبہ](https://urdu.gtvnewshd.com/wp-content/uploads/2024/03/imf-1.jpg)
بین الاقوامی مالیاتی فنڈ (آئی ایم ایف) مشن نے فرٹیلائزر پلانٹس کو سستی گیس کی فراہمی پر تشویش کا اظہار کیا ہے۔
ذرائع کے مطابق آئی ایم ایف مشن نے فرٹیلائزر پلانٹس کو سستی گیس کی فراہمی پر اظہار تشویش کیا، مشن نے فرٹیلائزر پلانٹس کو سستی گیس فراہمی کو جلد ختم کرنے کیلئے اقدامات کا مطالبہ کیا ہے۔
ذرائع نے کہا کہ آئی ایم ایف کو عالمی مارکیٹ میں کموڈیٹی پرائس مستحکم اور پاکستان میں نرخوں کے بڑھنے پر بھی تشویش ہے۔
مالیاتی ادارے وفد کی وفاقی وزیر توانائی مصدق ملک، فیڈرل بورڈ آف ریونیو (ایف بی آر)، بے نظیرانکم سپورٹ پروگرام حکام سے میٹنگز ہوئیں۔
ملاقاتوں میں آئی ایم ایف کو پاکستانی حکام نے گردشی قرضہ، ٹیرف آؤٹ لُک، کاسٹ سائیڈ ریفامز، ٹیکس ایڈمنسٹریشن اور ٹیکس پالیسی ،بے نظیرانکم سپورٹ پروگرام میں رجسٹرڈ افراد، آؤٹ لُک اور ڈویلپمنٹ پر بریفنگ دی۔
آئی ایم ایف وفد کو رئیل اسٹیٹ سیکٹر میں ٹیکسیشن اور ریٹیلرز کے لیے ٹیکس میکنزم پر بریف کیا گیا، مشن نے رئیل اسٹیٹ سیکٹر، مینوفیکچرر شعبے اور ریٹیلرز پر ٹیکس اقدامات کا مطالبہ کیا۔
وفد نے رئیل اسٹیٹ سیکٹر کو دستاویزی بنا کر ٹیکس سسٹم میں لانے کا مطالبہ بھی کیا، رئیل سیکٹر پر آئی ایم ایف وفد کی اسٹیٹ بینک حکام سے بات چیت ہوئی۔