مقبول خبریں
کراچی میں آج موسم کیسا رہے گا؟ محکمہ موسمیات نے بتا دیا
محکمہ موسمیات نے شہر کراچی میں آج کی ممکنہ موسمی صورتحال سے متعلق آگاہ کردیا۔
ایک بیان میں چیف میٹرولوجسٹ سردار سرفراز نے کہا کہ شہر قائد میں موسم آج گرم اور مرطوب رہنے کاامکان ہے، کراچی کا موجودہ درجہ حرارت 33 ڈگری سینٹی گریڈ ہے۔
انہوں نے بتایا کہ کراچی کا کم سے کم درجہ حرارت 26 ڈگر سینٹی گریڈ ریکارڈ کیا گیا، ہوا میں نمی کا تناسب 74 فیصد ہے جب کہ زیادہ سے زیادہ درجہ حرارت 35 سے 37 ڈگری سینٹی گریڈ رہنے کا امکان ہے۔
محکمہ موسمیات کے مطابق شہر میں مغرب سے 8 کلو میٹر فی گھنٹہ کی رفتار سے ہوائیں چل رہی ہیں، البتہ شام کے اوقات میں سمندری ہوائیں بحال ہونے کے سبب درجہ حرارت میں کمی متوقع ہے۔
اس کے علاوہ چیف میٹرولوجسٹ سردار سرفراز نے خبردار کیا کہ کل سے کراچی میں درجہ حرارت 39 ڈگری سینٹی گریڈ تک بڑھ سکتا ہے۔