مقبول خبریں
نمایاں
مہنگائی، بجلی بلوں کیخلاف احتجاج؛ جماعت اسلامی کا مرکزی قافلہ اسلام آباد میں داخل
26-جولائی،2024
کراچی میں چڑیوں کی تعداد کتنی ہے؟ گنتی شروع کردی گئی
جنید شاہ
16 مارچ, 2024 14:10
دنیا بھر میں چڑیاؤں کے عالمی دن کی مناسبت سے کراچی میں چڑیوں کی تعداد گننے کے لیے چار روزہ مہم شروع کردی گئی۔
اس مہم میں محکمہ جنگلی حیات سندھ اور جنگلی حیات کے شعبے میں لگاؤ رکھنے والے شوقین فوٹوگرافرز کے گروپس نے مل کر مختلف علاقوں میں چڑیا کے مشاہدہ اور گنتی کا پروگرام تشکیل دیا ہے۔
ہر سال دنیا بھر میں 20 مارچ کو چڑیا کا عالمی دن منایا جاتا ہے اور یہ دن 2010 سے منایا جارہا ہے اور اس دن کو منانے کا مقصد چڑیا کو درپیش خطرات کو زیر بحث لانا اور چڑیا کیلئے محفوظ ماحول فراہم کرنا ہے۔
اقوام عالم اس سال چڑیا کے عالمی دن کو "چڑیا کو چہچہانے کا موقع دیں، میں چڑیا سے پیار کرتا/کرتی ہوں، ہم چڑیا سے پیار کرتے ہیں” کے عنوان سے منائیں گے۔
اس عالمی دن پر مختلف ممالک میں شہری مختلف تقریبات اور سرگرمیوں کا انعقاد کرتے ہیں جن میں سر فہرست اپنے قریبی علاقوں میں چڑیا کو مخل کیے بنا مشاہدہ اور گنتی کرنا ہے۔
اس طرح کی سرگرمیوں سے اس ماحول و کسان دوست پرندے کے حوالے سے بات چیت اور ان کو لاحق خطرات کو زیر بحث لاتے ہیں۔ کچھ ممالک میں ان سرگرمیوں کو سنجیدگی سے لیا جاتا ہے۔
اس مہم میں 17 مارچ کو کراچی کے مختلف علاقوں میں شہریوں کے گروپ چڑیا شماری کرے گا۔ جس کے نتائج 20 مارچ کو جاری کیے جائیں گے۔ اس مہم کے دوران ملنے والی چڑیا کی ویڈیوز اور تصاویر بنانے کے ساتھ ان لوکیشن بھی نوٹ کی جائے گی۔
کراچی کے جن علاقوں میں چڑیا شماری کے لیے وائلڈ لائیف فوٹوگرافرز، یونیورسٹی طلبہ، سماجی ورکرز اور انفرادی دلچسپی رکھنے والے شہریوں پر مشتعمل گروپ تشکیل دیے گئے ہیں ان علاقوں میں کراچی کے ملیر ٹاؤن کے میمن گوٹھ اور ملحقہ علاقے، گڈاپ ٹاؤن، بحریہ ٹائون، سٹیل ٹائون، ہل پارک، کڈنی ہلز، صدر، ڈفینس، کلفٹن، لیاری، کورنگی، برنس روڈ، پاکستان چوک، این ای ڈی یونیورسٹی، کراچی یونیورسٹی کے علاقوں میں چڑیا کا مشاھدہ کریں گے۔
اس مہم کے تحت صبح آٹھ سے نو بجے اور شام پانچ سے چھ بجے کے دوران ان مخصوص علاقوں میں چڑیا کا مشاہدہ کیا جائے گا اور مشاہدات کے نتائج کو 20 مارچ پر جاری کیا جائیگا۔
اس سرگرمی میں عام شہریوں کو بھی شرکت کی دعوت دی گئی ہے۔ حصہ لینے کے لیے خواہش مند عام شہری محکمہ جنگلی حیات سندھ کی جانب سے جاری کردہ گوگل فارم پر کریں گے۔ سروے میں شمولیت کیلئے اس لنک پر کلک کر کے فارم بھرے۔ آپ کو آپکے فراہم کردہ ای-میل ایڈریس پر سروے فارم جاری کر دیا جائے گا۔
خیال رہے کہ اس مہم میں عام شہریوں کو بھی شرکت کی دعوت دی گئی ہے۔
متعلقہ خبریں
