مقبول خبریں
NewsTicker
‘چیخ و پکار اور ڈرامے کی ضرورت نہیں’، توہین عدالت پر واوڈا اور کمال سپریم کورٹ طلب
17-مئی،2024
حامد رضا کا پی ٹی آئی کو اسمبلیوں سے مستعفی ہونے کا مشورہ
سنی اتحاد کونسل (ایس آئی سی) کے سربراہ حامد رضا نے پی ٹی آئی کو ایک بار پھر اسمبلیوں سے مستعفی ہونے کا مشورہ دے دیا۔
صاحبزادہ حامد رضا نے کہا کہ پی ٹی آئی قیادت کو استعفے دینے اور دوبارہ سڑکوں پر آنے پر غور کرنے کی ضرورت ہے۔
سماجی رابطے کی ویب سائٹ ایکس صاحبزادہ حامد رضا کا کہنا تھا کہ ‘اگر آنے والے ہفتوں میں عمران خان کو انصاف نہیں ملا تو ہم اسمبلیوں میں بیٹھ کر اس حکومت کو سانس لینے کا موقع نہیں دیں گے۔
ان کا مزید کہنا تھا کہ ‘میں تحریک انصاف کے لیے قومی اسمبلی سے استعفیٰ دینے والا پہلا شخص ہوں گا’۔
PTI leadership need to consider resigning from assemblies and coming out on streets if Imran Khan didn’t get justice in coming weeks , we are not sitting in the assemblies to give this government a breathing space . I will be the 1st one to resign from National Assembly for IK .
— Sahibzada Hamid Raza (@_SahibzadaHamid) April 28, 2024
اس سے قبل سنی اتحاد کونسل کے چیئرمین صاحبزادہ حامد رضا نے الیکشن کمیشن آف پاکستان کی جانب سے پارٹی کو مخصوص نشستیں الاٹ نہ کرنے کے فیصلے کو لاہور ہائی کورٹ میں چیلنج کیا تھا۔
حامد رضا کی جانب سے دائر درخواست میں الیکشن کمیشن آف پاکستان کو فریق بنایا گیا جس میں کہا گیا ہے کہ کمیشن نہ ٹریبونل ہے اور نہ ہی عدالت۔
درخواست میں کہا گیا تھا کہ سنی اتحاد کونسل کو پنجاب اسمبلی میں نشستوں کے تناسب کے مطابق مخصوص نشستیں ملنی چاہئیں، اس سے کوئی فرق نہیں پڑتا کہ سنی اتحاد کونسل نے الیکشن لڑا یا نہیں۔
عرضی میں یہ بھی کہا گیا ہے کہ الیکشن کمیشن کی کارروائی آئین میں ترمیم کے مترادف اور کمیشن کا فیصلہ اس کے اختیار سے باہر ہے۔
یاد رہے کہ چند روز قبل الیکشن کمیشن نے سنی اتحاد کونسل کی مخصوص نشستیں الاٹ کرنے سے متعلق درخواست کو ایک کے مقابلے میں چار سے مسترد کردیا تھا۔