فرانس کا فلسطینیوں پرحملے میں ملوث یہودی آباد کاروں پرپابندی کافیصلہ

غیر ملکی میڈیا رپورٹ کے مطابق فرانس کی جانب سےمغربی کنارے میں تشدد کے ذمہ داریہودی آباد کاروں پرپابندیاں عائد کی جارہی ہیں۔

فرانسیسی وزیر خارجہ کیتھرین کولونا نے برطانوی ہم منصب ڈیوڈ کیمرون کے ہمراہ اسرائیل اور مقبوضہ مغربی کنارے کے دورے کے بعد مشترکہ پریس کانفرنس میں بتایا کہ فرانس نے انتہا پسند اسرائیلی آباد کاروں کے خلاف اقدامات کرنے کا فیصلہ کیا ہے جن میں پابندیاں عائد کرنا بھی شامل ہے۔

میڈیا رپورٹ کے مطابق امریکا کے بعد فرانس نے بھی مغربی کنارے میں نہتے فلسطینیوں کو تشدد کا نشانہ بنانے کی پُرزور الفاظ میں مذمت کرتے ہوئے کہا ہے کہ اسرائیلی بار بار کی تنبیہ کے باوجود تشدد رکوانے میں ناکام رہا ہے۔

واضح رہے کہ اس سے قبل امریکا اور برطانیہ بھی مغربی کنارے میں فلسطینیوں پر حملے اور تشدد کے واقعات میں اسرائیل پر یہودی آبادکاروں کی پشت پناہی کا الزام عائد کیا تھا۔

یہ پڑھیں : فرانس:ہر تین منٹ میں ایک بچہ زیادتی کا شکار، خوف میں اضافہ