مقبول خبریں
سابق جج مظاہر نقوی پر 5 الزامات ثابت ہوئے، سپریم جوڈیشل کونسل کی رائے
جی ٹی وی ویب ڈیسک
08 مارچ, 2024 16:16
سپریم کورٹ کے سابق جج جسٹس ریٹائرڈ مظاہر نقوی کے خلاف سپریم جوڈیشل کونسل کی رائے کے مزید مندرجات سامنے آگئے ہیں۔
سپریم جوڈیشل کونسل نے اپنی رائے میں کہا کہ مظاہر علی اکبر نقوی پر 5 الزامات ثابت ہوئے، عہدے کی مدت کے دوران مظاہر علی نقوی قابل رسائی بھی تھے۔
کونسل نے کہا کہ مظاہر نقوی کے اقدامات ذاتی مفاد کی طرف مائل کررہے تھے، انہوں نے چوہدری شہباز کیس میں کم عمر بچوں کو جائیداد سے محرو م کیا جب کہ سابق جج نے عہدے کے دوران قیمتی تحائف وصول کیے جن کی وضاحت نہیں کی۔
جوڈیشل کونسل نے رائے میں کہا کہ مظاہر نقوی کی جانب سے کوڈ آف کنڈکٹ کی خلاف ورزیوں سے عدالت کی ساکھ متاثر ہوئی اور مظاہر نقوی سنجیدہ مس کنڈکٹ کے مرتکب ہوئے۔
یہ بھی پڑھیں: جسٹس (ر) مظاہر نقوی مس کنڈکٹ کے مرتکب قرار، جوڈیشل کونسل نے برطرفی کی سفارش کردی
واضح رہے کہ گزشتہ روز سپریم جوڈیشل کونسل نے سابق جج مظاہر علی اکبر نقوی کو مس کنڈکٹ کا مرتکب قرار دیا تھا جب کہ کونسل نے صدر مملکت کو خط لکھ کر انہیں عہدے سے ہٹانے کی سفارش بھی کی تھی۔
متعلقہ خبریں
