غیر ملکی طلبا کا بھارت میں تعلیم سے کنارہ کشی کرنے کا امکان

آج بھارتی وزیراعظم نریندر مودی کی قیادت میں دنیا کی سب سے بڑی جمہوریت کا دعویدار ملک ایک ایسی جگہ بن چکا ہے جہاں اقلیتیں خاص طور پر مسلمانوں کو کوئی مذہبی آزادی حاصل نہیں۔

بھارت میں آئے روز مسلمانوں پر حملوں کے واقعات رپورٹ ہوتے ہیں، جب کہ گزشتہ روز ہندو انتہا پسند کے ایک گروہ نے احمد آباد میں واقع یونیورسٹی ہاسٹل میں نماز تراویح پڑھنے والے غیر ملکی مسلم طالب علموں پر حملہ کیا۔

مسلمان طالب علموں کی واحد غلطی یہ تھی کہ وہ اپنے ہاسٹل کے صحن میں نماز ادا کر رہے تھے۔ ہندو انتہا پسند کے ہجوم نے گجرات یونیورسٹی کے ہاسٹل پر دھاوا بول دیا اور نماز تراویح ادا کرتے ہوئے غیر ملکی مسلمان طلبا پر حملہ کیا جس کے نتیجے میں متعدد غیر ملکی طالب علم زخمی ہوئے۔

حملہ آوروں نے افغانستان، ازبکستان، سری لنکا، بنگلہ دیش اور کئی افریقی ممالک سے تعلق رکھنے والے غیر ملکی طالب علموں کی موٹر سائیکلوں کو بھی لوٹ لیا یا توڑ پھوڑ کا نشانہ بنایا۔

International students (Africa, Uzbekistan, Afganistan etc) studying in Gujarat University @gujuni1949 claim they were beaten up, Stones thrown at them and at their hostel (A-Block), Vehicles destroyed while they were offering Ramazan Taraweeh at a place inside the hostel A-Block… pic.twitter.com/ogJ3h7FUin

— Mohammed Zubair (@zoo_bear) March 16, 2024

طالب علموں نے میڈیا کو بتایا کہ وہ ہفتہ کی رات نماز تراویح کے لئے بوائز ہاسٹل کے احاطے میں جمع ہوئے تھے کیونکہ یونیورسٹی کیمپس میں کوئی مسجد نہیں ہے۔

ان کا کہنا تھا کہ لاٹھیوں اور چاقوؤں سے لیس ہجوم نے ہم پر حملہ کیا اور ہمارے کمروں میں توڑ پھوڑ کی۔ انہوں نے لیپ ٹاپ، ایئر کنڈیشنر، ساؤنڈ سسٹم توڑ دیے اور ہماری موٹر سائیکلوں کو بھی نقصان پہنچایا۔

یہ بھی پڑھیں: 

غزہ جنگ کے بعد بھارت میں مسلمان مخالف نفرت انگیز تقاریر میں 62 فیصد اضافہ

بھارتی پولیس افسر نماز پڑھنے والے مسلمانوں کو لاتیں مارنے لگا، ویڈیو وائرل

دوسری جانب بھارت کی وزارت خارجہ نے کہا ہے کہ ذمہ داروں کے خلاف کارروائی کی جائے گی۔