مقبول خبریں
وفاقی حکومت نے ڈیزل اور مٹی کا تیل سستا کردیا، پیٹرول کی قیمت برقرار
وفاقی حکومت نے آئندہ 15 روز کے لیے پیٹرولیم مصنوعات کی قیمتوں کا اعلان کردیا ہے۔
وزارت خزانہ نے پیٹرولیم مصنوعات کی نئی قیمتوں کا نوٹیفکیشن جاری کردیا جس کے مطابق فی لیٹر پیٹرول کی قیمت 279.75 روپے پر برقرار رہے گی۔
نوٹیفکیشن کے مطابق ڈیزل کی قیمت میں 1 روپے 77 پیسے کی کمی کی گئی ہے جس کے بعد فی لیٹر ڈیزل 285 روپے 56 پیسے میں فروخت ہوگا۔
ذرائع وزارت خزانہ نے کہا کہ مٹی کا تیل ایک روپے 35 پیسے فی لیٹر جب کہ لائٹ ڈیزل آئل 2 روپے 12 پیسے سستا کیا گیا ہے۔
وزارت خزانہ کے مطابق پیٹرولیم مصنوعات کی نئی قیمتوں کا اطلاق 16 مارچ سے 31 مارچ تک ہوگا۔