ویڈیو: ٹرمپ نے فلسطین کے معاملے پر خبیب سے بڑا وعدہ کرلیا

معروف مکسڈ مارشل آرٹس فائٹر خبیب نرماگومیڈوف کی سابق امریکی صدر ڈونلڈ ٹرمپ سے ملاقات کی۔

دونوں کے درمیان ایک مختصر ملاقات نیو جرسی کے شہر نیوآرک میں یو ایف سی 302 اینٹ کے دوران ہوئی، اس موقع پر سابق مسلمان روسی فائٹر نے ڈونلڈ ٹرمپ سے ایک مطالبہ بھی کیا۔

رپورٹس کے مطابق ڈونلڈ ٹرمپ نے خبیب کو یقین دہانی کرائی کہ اگر وہ صدارتی انتخابات میں کامیاب ہوئے تو غزہ میں جنگ رکوا دیں گے۔

خبیب نُرماگومیدوف کے ساتھ بات چیت کرتے ہوئے سابق امریکی صدر نے غزہ میں جاری جنگ کو روکنے کے لیے اپنے عزم کا اظہار کیا۔

خبیب کا ڈونلڈ ٹرمپ سے گفتگو کے دوران کہنا تھا کہ میں جانتا ہوں آپ فلسطین میں جنگ بند کر دیں گے، جس پر سابق امریکی صدر نے اعتماد کے ساتھ کہا ہم اسے روکیں گے، میں جنگ روک دوں گا۔

JUST IN: 🇺🇸 🇷🇺 President Donald Trump shakes hands with Russia’s Hall of Fame UFC Champion Khabib Nurmagomedov.pic.twitter.com/PmRPj3OKgk

— BRICS News (@BRICSinfo) June 2, 2024

یہ اسرائیل اور فلسطین کے موضوع پر ٹرمپ کے معمول کے موقف سے انحراف کی علامت ہے کیونکہ ڈونلڈ ٹرمپ نے حماس کے خلاف اسرائیلی حملوں کی حمایت کی ہے۔

گزشتہ دنوں ڈونلڈ ٹرمپ کا ایک بیان میں کہنا تھا کہ اگر وہ دوبارہ امریکی صدر بنے تو امریکا میں جاری فلسطین کے حامی مظاہروں کو کچل دیں گے اور مظاہرین کو ملک بدر کر دیں گے۔