فائر فائٹر سے فلرٹ کرنے کیلئے بے تاب خاتون نے دو جنگلات میں آگ لگادی

ایک خاتون نے فائر فائٹر کو دیکھنے اور اس کے ساتھ فلرٹ کرنے کی  خواہش میں دو جنگلوں کو جان بوجھ کر آگ لگا دی۔

میڈیا رپورٹس کے مطابق یونان میں ایک 44 سالہ خاتون کو ایک غیر معمولی وجہ سے دو بار جنگلوں کو آگ لگانے پر سزا سنائی گئی ہے۔

خاتون نے جان بوجھ کر دو الگ الگ آگ لگائی تاکہ وہ آگ بجھانے کے لیے آنے والے فائر فائٹرز سے بات چیت کر سکے۔

رپورٹس سے پتہ چلتا ہے کہ ملزمہ نے متعدد بار آگ لگانے کی کوشش کی اور اس کے باعث جنگل میں آگ لگنے کے دو واقعات رونما ہوئے۔

طرابلس میں رہنے والی اس خاتون کو ان جرائم پر 36 ماہ قید اور ایک ہزار یورو  جرمانے کی سزا سنائی گئی۔

فائر ڈپارٹمنٹ نے ایک بیان میں ان کی گرفتاری کی تصدیق کی تاہم خاتون کی تین سالہ قید کی سزا معطل کر دی گئی ہے۔

اگر وہ معطل مدت کے دوران ایک اور جرم کا ارتکاب کرتی ہیں، تو تین سال کی سزا کو کسی بھی نئی سزا میں شامل کیا جائے گا۔