آٹے کے بحران سے بچنے کیلئے گندم کی خریداری کا فیصلہ

صوبہ سندھ میں آٹے کے بحران سے بچنے کے لیے سندھ حکومت کے ماتحت محکمہ خوراک نے صوبے بھر میں گندم کی خریداری کا عمل بیس مارچ سے شروع کرنے کا فیصلہ کرلیا ہے۔

تفصیلات کے مطابق سندھ حکومت گندم خریداری کا عمل 20 مارچ سے شروع کرے گی۔
صوبائی وزیر خوراک جام خان شورو کہتے ہیں صوبے بھر میں 353 گندم خریداری کے مراکز قائم کیے جائیں گے، محکمہ خوراک سندھ کی جانب سے گندم کی خریداری کیلئے مکمل اقدام کیے گئے۔
جام خان شورو کے مطابق سندھ حکومت نے فی من گندم کی قیمت 4 ہزار روپے مقرر کی گئی ہے۔

واضح رہے کہ ماضی میں صوبے بھر سمیت ملک کے دیگر صوبوں میں آٹے کی قلت پیدا ہونے کا معاملہ سامنے آیا تھا۔