مقبول خبریں
غزہ کے قصاب نیتن یاہو پر جنگی جرائم کا مقدمہ چلائیں گے:ترک صدر
Reporter KA
05 دسمبر, 2023 12:07
غزہ میں اسرائیل کی وحشیانہ کارروائیاں جاری ہیں،جس پر ترک صدر طیب اردوان نے کہا ہے کہ غزہ کے قصاب نیتن یاہو پر جنگی جرائم کا مقدمہ چلائیں گے۔
طیب اردوان نے کہا کہ نیتن یاہو یوگوسلاد کے سابق صدر میلوسیوچ کی طرح نسل کشی کررہےہیں،اسرائیلی وزیراعظم توسیع پسندانہ پالیسیوں پر عمل پیرا ہیں، غزہ کا دفاع اس وقت اسلام کے دفاع کے مترادف ہے۔
دوسری جانب کیوبا اور ایران کے صدور کی تہران میں ملاقات ہوئی جس میں کیوبا کے صدر نے اسرائیل کی طرف سے فلسطینی عوام کی نسل کشی کی مذمت کی۔
انہوں نے فوری جنگ بندی اور فلسطینی ریاست کے قیام کیلئے شرائط کو آسان بنانے کا مطالبہ کیا، واضح رہےکیوبا بھی1962 سے ایران کی طرح امریکی پابندیوں کا شکار ہے۔
یہ پڑھیں : اسرائیل کو بین الاقوامی فوجداری عدالت تک پہنچا کر دم لیں گے: ترک صدر
متعلقہ خبریں
